Montes Tóxicos

Plásticos en Irixoa

Aínda que os plásticos nas cidades son máis comúns que no rural, podemos atopalos en gran medida en distintos montes galegos.

Neste traballo analizaremos o impacto ambiental dos plásticos en Irixoa, e a súa situación actual.

O pasado 14 de xaneiro puidemos atopar diversos plásticos en distintos montes de Irixoa.

Isto xa ven acontecendo dende hai tempo, polo que podemos falar dun problema medioambiental propiamente dito.

Aínda que neste traballo falemos do caso de Irixoa, este problema ten lugar, a día de hoxe, nos montes de toda Galicia.

Un dos problemas dos plásticos no monte é que moitos foron fabricados a partir de Bisfenol A, un produto químico empregado na elaboración de envases como latas, plásticos e demáis produtos. Esta sustancia é tóxica e moitos estudos confirman que pode producir cancro, polo que é perigoso que a fauna e flora do monte entren en contacto con este tipo de envases.

Isto ocasiona un impacto directo para a fauna que inxire os plasticos, xa que pode ocasionar danos graves ou incluso a morte á fauna local (paxaros, corzos, xabaríns...).

Pero isto non remata aquí, xa que podemos observar un grave impacto indirecto, cando a toxicidade dos plásticos chega a outros niveis tróficos, envelenando a una gran parte do ecosistema, ata desembocar en nós, que acabamos recibindo no noso organismo todo o lixo que de forma despreocupada e sen darlle demasiada importancia botamos previamente ao monte.

Outro impacto indirecto é a contaminación que ocasiona, xa que os plásticos tardan centos de anos en degradarse, absorben materiais pesados, antibióticos, pesticidas e outros tóxicos. Unha botella de plástico tarda máis de 1000 anos en degradarse, e ao descompoñerse convirtese en microplásticos que poden acabar nas augas de ríos e lagos e contaminar, via acuática á fauna e flora local, ademais dos seres humanos.

Necesítanse 100ml de petróleo para producir soamente unha botella de plástico, non só a producción supón un perigo para o medio ambiente, senón que a eliminación de residuos tamén ten unha carga enorme.

Cada día abandónanse 30 millóns de latas e botellas en España, o 50% dos plásticos terminan en vertedoiros sen ser reciclados.

Para evitar isto debemos levar a cabo unha correcta xestión dos residuos poñendo en práctica as 3Rs (reducir, reutilizar e reciclar).

Se xa hai plásticos no chan pódense organizar patrullas de veciños para a recollida de plásticos atopados nos montes locais a fin de reducir a contaminación e introducir estes plásticos no ciclo de reciclaxe, ademáis de levar a cabo charlas informativas para achegarlles aos veciños información sobre os efectos negativos dos plásticos e como combatilos, así como consellos para mellorar a ecoloxía do lugar e reducir ao límite os impactos ambientais provocados por estos plásticos.

Cando chove a auga arrastra químicos tóxicos ao solo, polo que renunciando á compra de produtos envasados en plástico ( sobre todo dun só uso) contribuése a mellorar o noso medio ambiente e crear un etorno saudable para os seres vivos (humanos, animais e plantas) que viven nel.

 

" Fotografías de Nerea Fernández Rodríguez, en Ambroa"

 

" Fotografías de Hugo Lucía Romero, no Penedo"

 

 

Traballo impacto participantes: Hugo Lucía Romero e Nerea Fernández Rodríguez 

Curso: 4ESO