El catastrofismo y el uniformismo.

 

                                         

        Catastrofismo VS Uniformismo

            

   Desde tempos inmemorables as distintas sociedades que habitaban o planeta Terra facíanse unha pregunta: como se creou a Terra?

As respostas foron xurdindo, en forma de mitoloxía na maioría dos casos (mitoloxía nórdica, grega...) ata que a finais do século XVIII e inicios do XIX xurdiron dúas teorías científicas que gozaron de gran peso e seguimento na comunidade científica: o Catastrofismo e o Uniformismo.

O catastrofismo é unha corrente de pensamento promovida por George Cuvier, un gran paleontólogo que defendía que a evolución da vida e a Terra tivo lugar a base de grandes catástrofes que provocaron transformacións significativas ata chegar ao día de hoxe, e non grazas a unha transformación gradual.

O catastrofismo foi resultado da achega duns cimientos científicos  á teoría creacionista como explicación da  múltiples evidencias como fósiles de dinosaurios, polo que era de agrado para o mundo católico.

 O tempo rematou demostrando que o castrofismo non estaba no correcto, xa que a maioría de cambios e evolucións nos seres vivos e na xeografía foron principalmente graduais, pero si que é certo que nalgunhas ocasións, como por exemplo a extinción dos dinosaurios tiveron lugar cambios a través de catástrofes.

George Cuvier foi unha figura moi influinte da época. Foi, ademais de paleontólogo, un naturalista francés e o fundador da anatomía comparada. O seu nome está grabado na torre Eiffel xunto cos outros 71 sabios.

O uniformismo, pola contra, defendía que a inmensa maioría dos cambios xeolóxicos na Terra tiveron lugar de forma lenta, constante e gradual, como por exemplo o moldeado das montañas, e non de forma súbita e violenta como defendía o catastrofismo. Os procesos que orixinaron os cambios ao longo dos anos son os mesmos que os actuais, o que implica que os cambios teñen lugar na maioría de ocasións de forma lenta, polo que esta teoría apoiábase no evolucionismo darwiniano, aplicando as súas bases ao terreo da xeoloxía.

James Hutton, o que formulou esta teoría, foi un xeógrafo e médico escocés do século XVIII. Tamén foi o pai do plutonismo, teoría que defendía a xeración das rochas como resultado de procesos volcánicos. Tras o seu falecemento foi Charles Lyell o encargado de retomar e difundir o uniformismo, debido a que a escritura de Hutton era liosa e complexa.

Hoxe en día sabemos que, aínda que os cambios na Terra foron principalmente graduais, si que tiveron lugar transformacións drásticas a partir de catástrofes, que afectaron ao proceso gradual conxunto.

https://youtu.be/LTSw3pOQUls